" دئسم اولدوروللر دئمه سم اوللَم  "

کوسگون اورییمدن سوروشان کسیم

تـوتـولوب بـوغازیـم کسیلیب سسیــم

گیزلین بیر غمیم وار عومورلوک بسیم

دئسم اولدوروللر دئمه سم اوللَم

دیدیــر اورییمــی، یاریـر سینه می

بیر اوگئی گورورم دوغما ننه می

آچیم اوره ییمی آچیم سنه مــــی

دئسم اولدوروللر دئمه سم اوللَم

دانیشسام بلکه ده طالعیم چاشــــار

دینمه سم نیسگیلیم باشیمدان آشار

دوداغیم سوسسا دا گوزومدن داشار

دئسم اولدوروللر دئمه سم اوللَم

بیلمیــرم یاشاییم بیلمـــــیرم اولوم

قوی ایتیم گوزلردن من ایلیم-ایلیم

گؤرورم دئمه گه یوخومدور دیلیم

دئسم اولدوروللر دئمه سم اوللَم

نئجه گؤر گؤزوندن باتیبدی دونیا

داغـــلاری دره یه ساتیبـدی دونیا

یـوکـونـو بئلیمـه چاتیبــدی دونیا

دئسم اولدوروللر دئمه سم اوللَم

" سیّدم " گؤرمه گه  قورخورام دوزو

مثل وار:« چیخاجاق گؤره نین گؤزو»

قـورخـو پرده سینده گیزله نن سـؤزو

دئسم اولدوروللر دئمه سم اوللَم

                                                       (سید جلیل "سید")

قایناق: http://ganligunash.blogfa.com/

                                     "عؤمور یولو"

آددیم- آددیم اینسان  اوغلو

آددیم لاییـــر  عؤمور یولون .

عؤمور نه دیر

عؤمور دئمک

                  ایپک قاناد بیر دویغودور  

                  خیال لارین  قوجاغیندا .

آددیم لانیــــر عؤمور یولو

عؤمور واردیر بیر آددیمی

مین- مین آددیم دالغالی دیر

عؤمور واردیــــر مین آددیمی

نه ایزلی دیـــر ، نه توزلودور .

عؤمور نه دیر

عؤمور دئمک

   بیر مورگودور کائیناتین

   گـــؤزلرینیــن ببه گینده

   ایلک محبت لایلاسی تک

   سون باخیشین دالغاسی تک .

عؤمور نه دیر

عؤمور دئمک

    هر اینسانین

    آلا تـوران بیـــر سحرده

    قاطارلانمیش آرزوسونون

    حقــّــه دوغرو گئدن ایزده 

    الدن چیخمیش  اوساریدیر .

عؤمور نه دیر

عؤمور دئمک

    قیوریم- قیـوریم آرزو تئلی

    دالغا- دالغا دوشـونجه دیر

    سونسوز خیال دنیـز ینده .

عؤمور نه دیر

عؤمور دئمک

    دوشونجه نین آددیم لانمیش

    ایزلرینین

    یولدا قالمیش بیر توزودور .

         عؤمور زامان اؤلچوسودور

         زامان عؤمور قایچی سی دیر .

                            (میرجلیل"سیّد" ، 28/1/70)

قایناق: http://ganligunash.blogfa.com/

• ما تمه سارئلمئش ، دالغا سئز ده نیز

          اوزه ری قا ن بویاغ ،سالغاسئز ده نیز

          دونیـــادا قئنانمئش ، آرخاسئز ده نیز

                                  نیچـون ال اولــــدون قا ن توکــنلره

                                  بشـــرین کوکـسونه زور چوکــنلره

• سنکی بئله حربی سورسات دئییلدین

          هئــچ بیر الده یا ، آفتا ما ت دئییلــدین

          اینسا نلارا آجئ  حیــا ت د ئییلــــدین

                                  یالان اولـدو سولاریاشام جا نئیمئش

                                  سیزده آخان اینسا نلارئن قانئیمئش

• سینه ن اوسته جللادلارئ یئغئبسان

          بوغازبوغاز میــن فاجیعه دوغوبسا ن

          آیلانئ یوخ ، آیلا نلارئ بوغـــــوبسا ن

                                  یول وئرمد ین آجئ دردلرقوتارسئن

                                  کوبا نید ه ن یویا نا جـــان آپا رسئن

• بو دونیادا حققه دونــوب باخا ن یوخ

          پیس عملی،پیس باشئنا قاخان یوخ

          بوردا یا نئب سیتمـــلری یاخا ن یوخ

                                  آیلان لاردا، اوز اولومــــون  آرزولار

                                  اورد ا د یــیه ، آللــهئنا هـر نـه وار

• آیلان اولدو، هانسئ ویجدان آیئلـدئ

          آ یئلمــا غا مگـر بــیــری قا یئلــــدئ

          آیئلا نلار ،زندان ،زندان ،سا یئلــــدئ

                                  قا نون قا لئب آیاغ آ لتــد ا تا پد انئر

                                  با یراغ بایراغ حورمتـــلرده اودلانئر

• بویا ن پوتین ، اویان باراک مــیدانئ

          بولوشوبلر بولو بولوم ، د ونیـــا نئ

          بیربیرینه  ترس  گـلیرلـربمبــــا نئ

                                  دونیا مئزئن قا ن، گوزلــرین آلئبدئ

                                  اینسا نلئغدان بیر قورو آد قــا لئبدئ.  

          قایناق شاعیرین اؤز وبلاگی:          chichak.blogfa.com